OFW

       Sa panahon ngayon,ang kumita ng pera ay talaga namang pahirapan.Handa ang bawat isa sa mga mahihirap na gawain.Yung pupunta ka sa ibang bansa na hindi mo maintindihan yung mga tao dahil sa iba talaga ang kanilang mga pag-uugali at lenggwahe.Sumasang ayon ako na ang mga OFW ay isang mga "tunay na mga bagong bayani ng bayan".Kanilang isinakripisyo ang kanilang pagod at pawis para lamang matustusan ang mga pangangailangan ng kanilang pamilya.

Mga Mahahalagang Hakbangin

       Bumuo ng hakbanging dapat sundi ng mga mamimili kung sakaling magkaroon ng pansamantalang kakulangan sa suplay ng mga basic commodity tulad ng bigas,at asukal,lalo na kung may kalamidad.

   *Magtago tayo ng mga pagkain upang hindi tayo mabigla sa pagkakaroon ng kalamidad.Mga pagkaing hindi madaling masira tulad ng delata o noodles.

   *Siguraduhing magkakasya sa buong pamilya ang mga pagkaing itatago upang hindi ito magkulang.

   *Magtago din ng mga gamot upang kapag may sakit sa miyembro ng pamilya ay maagapan itong agad.

   *Ugaliin din ang pagtago ng flashlight at battery para sa radio upang di mahirapan kapag walang ilaw at magkaroon ng mapakikinggan ng mga balita.

   *Huwag mawalan ng pag-asa.

FALLEN 44

Ang nakasaad sa ibaba nito ay mula sa isang police commando na nakaligtas sa Mamasapano,Maguindanao massacre,kung saan 44 na PNP-SAF commando ang namatay,matapos tambangan ng MILF (Moro Islamic Liberation Front) at BIFF (Bangsamoro Islamic Freedom Fighters) nitong Enero 25 2015.

       "Nagsimula po ang putukan ng mga 5:30 ng umaga.Mabilis ang pangyayari ... biglaan.Kita ko agad na marami sa amin ang patay na.Yung mga tumatakbong nakayuko,napapatay dahil may mga sniper.Nagsimula akong gumapang.Isa sa mga huling nakita ko ay ang isa kong kasamahan na nakatingin sa litrato ng pamilya niya sa cellphone habang tinatamaan ng bala.

       Umabot sa punto na wala na kaming bala at ang natitira na lang ay ang Glock ko at rosaryo.Gumagapang ako palayo upang umiwas sa snipers.Isa pa sa mga kasamahan ko ay nagsabing bilisan mo lumayo at ako bahala.Tumayo siya at dinivert ang atensyon ng mga sniper.Dalawang beses siyang tinamaan,tumumba pero tumayo pa din.Nung pangatlong tama,di na siya tumayo.

       Dalawa lang ang nasa isip ko,pag nakita kong andyan na sila sa harap ko,babarilin ko sarili ko,dahil alam ko ang ginagawa nila sa mga bihag.Pero 'pag nakatakas ako dito,uunahin kong puntahan ang mga pamilya ng mga kasama ko,lalo na yung nakatingin sa litrato sa cellphone.Ikukwento ko lahat ng nangyari."

       Ang sinapit ng mga nabanggit na commando,ang iba'y hindi na makilala ang mukha,ang iba'y naputol ang mga braso,kamay at paa at ang ilan ay nahati ang katawan,dahil sa tama ng malakas na kalibre ng baril ay napakasakit,hindi lang sa asawa,mga anak at magulang ng mga biktima,subalit sa sinumang nagmamahal sa bayan.

       Kailangan nila at ng kanilang pamilya ng hustisya.Kailangang may managot sa marahas at malahayop na kamatayan na sinapit nila.Hustisya para sa PNP-SAF 44.Ito ang panawagan ng kanilang pamilya.Ito ang panawagan ng buong kapulisan sa bansa,partikular na sa SAF na pinanggalingan nila.Ito ang panawagan ng sambayanang pilipino.

Suliranin sa Ekonomiya

Maslow of McClelland

      Maraming mga pangangailangan ang bawat isa sa atin.Si Abraham Harold Maslow ay isang amerikanong psychologist na nagpanukala ng herarkiya ng mga pangangailangan ng tao.Ayon sa kanya,habang patuloy na napupunan ng tao ang kanyang batayang pangangailangan,siya ay naghahanap naman ng mas mataas na pangangailangan ayon sa pagkakasunod-sunod sa isang herarkiya.Inilalarawan naman ni David Clarence McClelland,sa kanyang aklat na “The Achieving  Society  (1961)” ang mga pangangailangan ng tao na natatamo sa matagl na panahon at hinuhubog ng mga karanasan.

       Ang pangunahing pangangailangan ng mga tao ay tubig,pagkain,damit at bahay.Minsan higit pa rito ang inaasam natin kung kaya’t kaakibat nito ay lumalaki ang mga pinagkakagastusan ng mga tao.

       Nahahati sa dalawa ang pangangailangan:Ang needs ay ang pangunahing pangangailangan,mga bagay na kailangan araw-araw.Ang wants ay pangangailangan o kagustuhan,taliwas sabasic needs kagaya ng mga gadgets.Mga gamit na nagbibigaylamang ng kasiyahan.

Maslow of McClelland

      Maraming mga pangangailangan ang bawat isa sa atin.Si Abraham Harold Maslow ay isang amerikanong psychologist na nagpanukala ng herarkiya ng mga pangangailangan ng tao.Ayon sa kanya,habang patuloy na napupunan ng tao ang kanyang batayang pangangailangan,siya ay naghahanap naman ng mas mataas na pangangailangan ayon sa pagkakasunod-sunod sa isang herarkiya.Inilalarawan naman ni David Clarence McClelland,sa kanyang aklat na “The Achieving  Society  (1961)” ang mga pangangailangan ng tao na natatamo sa matagl na panahon at hinuhubog ng mga karanasan.

       Ang pangunahing pangangailangan ng mga tao ay tubig,pagkain,damit at bahay.Minsan higit pa rito ang inaasam natin kung kaya’t kaakibat nito ay lumalaki ang mga pinagkakagastusan ng mga tao.

       Nahahati sa dalawa ang pangangailangan:Ang needs ay ang pangunahing pangangailangan,mga bagay na kailangan araw-araw.Ang wants ay pangangailangan o kagustuhan,taliwas sabasic needs kagaya ng mga gadgets.Mga gamit na nagbibigaylamang ng kasiyahan.

INTERNATIONAL DAY FOR DISASTER REDUCTION

       Hindi na mabilang na kalamidad ang nagaganap sa ating bansa ngayon.Marami na rin ang nagbuwis ng buhay dahil ditto.Ang problema ay hindi natin ito maiiwasan sapagkat ang kalikasan na mismo ang gumagawa nito.Malaki ang epekto nito sa ating bansa  dahil sa kalikasan tayo kumukuha ng mga bagay na magagamit natin sa pagpapaunlad ng ating bansa.Kilala ang pilipinas dahil sa angkin nitong ganda sa mga mapagkukunang yaman,ang problema nga lang ay unti-unti itong nasisira dahil sa atin at minsan ay dahil sa mga kalamidad na nangyayari sa ating bansa.Hindi uunlad ng maayos ang bansa kung hindi tayo tatayo mula sa mga kalamidad na naganap sa bansa.

         Maaring maiwasan ang dalang panganib ng kalamidad kung pag-iisipang maigi ang mga bagay na dapat paghandaan bago dumating ang isang malaking sakuna.Dapat na palagi tayong maging handa upang hindi tayo magkaproblema kapag dumating na ang isang kalamidad.

        Bilang mag-aaral,sisikapin kong maipamahagi pa sa iba ang konti kong kaalamansa paghahanda sa anumang klaseng kalamidad.Iintindihin ko rin ang totoong dahilan kung bakit ginagawa sa paaralan ang Earthquake Drill upang ipamahagi din ito sa iba na dapat maghanda.Mabuting maging palaging handa sa mga mangyayari.